Nxjerrja e pluhurit/ashklave
Pluhuri nga materiale të tilla si boja me bazë plumbi, disa lloje druri, minerale dhe metali mund të jenë të dëmshëm për shëndetin. Prekja ose thithja e pluhurave mund të shkaktojë reaksione alergjike dhe/ose sëmundje të frymëmarrjes tek përdoruesi ose tek njerëzit pranë.
Disa pluhura si pluhuri i lisit ose i ahut konsiderohen kancerogjene, veçanërisht në kombinim me aditivë për trajtimin e drurit (kromat, konservues druri). Materiali që përmban asbest mund të përpunohet vetëm nga specialistë.
- Nëse është e mundur, përdorni një sistem për nxjerrjen e pluhurit që është i përshtatshëm për materialin.
- Sigurohuni që vendi i punës të jetë i ajrosur mirë.
- Rekomandohet të vishni një maskë respiratore me filtër të klasës P2.
Ju lutemi, vini re rregulloret e zbatueshme në vendin tuaj për materialet që do të përpunohen.
- Shmangni grumbullimin e pluhurit në vendin e punës. Pluhuri mund të ndizet lehtësisht.
Nxjerrja e pluhurit/ashklave mund të bllokohet nga pluhuri, ashklat ose fragmente të pjesës së punës.
- Fikni veglën elektrike dhe hiqni spinën nga priza.
- Prisni derisa tehu i sharrës të ndalojë plotësisht.
- Përcaktoni shkakun e bllokimit dhe zgjidhni atë.
Vetëthithja (shih figurën C)
Për të mbledhur me lehtësi ashklat, përdorni qesen e përfshirë të pluhurit (1).
- Vendoseni qesen e pluhurit (1) tek nxjerrja e ashklave (31).
Qesja e pluhurit nuk duhet të bjerë kurrë në kontakt me pjesët lëvizëse të pajisjes gjatë sharrimit.
Zbrazni qesen e pluhurit në kohën e duhur.
- Kontrolloni dhe pastroni qesen e pluhurit pas çdo përdorimi.
- Për të shmangur rrezikun e zjarrit, hiqni qesen e pluhurit kur sharroni alumin.
Thithja e jashtme
Për thithjen, mund të lidhni me nxjerrjen e ashklave (31) gjithashtu një zorrë të fshesës me korrent (Ø 36 mm).
- Lidheni zorrën e fshesës me korrent me nxjerrjen e ashklave (31).
Fshesa me korrent duhet të jetë e përshtatshme për materialin që do të përpunohet.
Përdorni një fshesë me korrent të veçantë kur pastroni pluhur veçanërisht të dëmshëm, kancerogjen ose të thatë.