Udhëzime sigurie për çekiçët

Udhëzime sigurie për të gjitha punët

• Vishni mbrojtje për dëgjimin. Ekspozimi ndaj zhurmës mund të shkaktojë humbje të dëgjimit.

• Përdorni doreza shtesë nëse janë të përfshira në dorëzim me veglën elektrike. Humbja e kontrollit mund të rezultojë në lëndim.

• Kapeni mjetin nga sipërfaqet e izoluara të kapjes, kur bëni ndonjë punë gjatë së cilës aksesori i prerjes mund të prekë telat e fshehur ose kordonin e tij. Nëse aksesori i prerjes bie në kontakt me një tel me korrent, pjesët metalike të ekspozuara të mjetit mund të marrin korrent dhe t'i shkaktojnë përdoruesit goditje elektrike.

Udhëzime shtesë sigurie

• Përdorni pajisje të përshtatshme kërkimi, për të gjetur linjat e fshehura të shërbimeve ose konsultohuni me kompaninë lokale të shërbimeve. Kontakti me telat elektrikë mund të shkaktojë zjarr dhe goditje elektrike. Dëmtimi i një linje gazi mund të shkaktojë një shpërthim. Depërtimi në një linjë uji shkakton dëme materiale ose mund të shkaktojë goditje elektrike.

• Prisni që mjeti elektrik të ndalojë përpara se ta ulni. Mjeti i aplikimit mund të kapet dhe të çojë në humbjen e kontrollit mbi veglën elektrike.

• Siguroni pjesën e punës. Një pjesë pune e mbajtur në një kapëse ose vizë mbahet më mirë sesa me dorën tuaj.

• Mos prekni asnjë mjet ose pjesë të përdorur menjëherë pas përdorimit. Këto mund të nxehen shumë gjatë operimit dhe të shkaktojnë djegie.

• Kini kujdes kur kryeni punë prishjeje me daltë. Rënia e fragmenteve të materialit të prishur mund të dëmtojë kalimtarët ose ju vetë.

• Kur punoni, mbajeni fort mjetin elektrik me të dyja duart dhe sigurohuni që të keni qëndrim të sigurt. Vegla elektrik drejtohet në mënyrë më të sigurt me dy duar.

• Kujdes! Kur përdorni veglën elektrike me Bluetooth® mund të ndodhin ndërhyrje me pajisje dhe sisteme të tjera, avionë dhe pajisje mjekësore (p.sh. stimuluesit e ritmit të zemrës, aparatet e dëgjimit). Nuk mund të përjashtohet plotësisht dëmtimi i njerëzve dhe kafshëve në afërsi. Mos e përdorni veglën elektrike me Bluetooth® pranë pajisjeve mjekësore, stacioneve të karburantit, impianteve kimike, zonave me rrezik shpërthimi dhe zonave të shpërthimit. Mos e përdorni veglën elektrike me Bluetooth® në aeroplanë. Shmangni operimin në afërsi të trupit tuaj për një periudhë të gjatë kohore.